Кире Лазаров со екипата на Нант ја прослави првата победа во француската лига. Во првото коло во шампионатот, Нант славеше убедлива победа на гостувањето против Маси со 22-28.
Во својот прв натпревар во француското првенство, македонскиот бек постигна пет гола од кои четири од седмерец и заедно со Давид Балагер, беше најефикасен во составот на Нант. Значаен придонес во овој прв триумф на Нант во првенството на Франција имаше и голманот Арно Сифер со 16 одбрани.
Нант беше во предност во текот на целиот меч, на полувремето гостите имаа предност од 7-13. Доминацијата на гостинскиот тим продолжи и во второто полувреме и Нант рутински стигна до првата победа во францускиот шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
