Екипата на ЛА Лејкерс се пласираше во плеј-офот и си закажаа дуел со шампионот Денвер и Никола Јокиќ. Лејкерси ја минаа Лузијана го победија Њу Орлеанс со 110-106, преживеаја и 40 поени на Зајон Вилијамсон кој се повреди. Леброн го водеше тимот со 23 поени, девет скока и исто толку асистенции, уште еднаш покажувајќи дека годините не му можат ништо. Неговиот тим на крајот од регуларната сезона, доби 12 од 15 мечеви, и влегоа во форма во вистинско време.
Таму ги чека шампионот и реприза од минагодишното финале на Западот, кога Денвер ги елиминираше Лејкерси со „метла“. Иако Денвер има одличен скор против Лејкерс, сепак, нивните натпревари секогаш се неизвесни.
What. A. Game. pic.twitter.com/Nc66jcPPFD
— Los Angeles Lakers (@Lakers) April 17, 2024
Њу Орлеанс во битката за последното место во плеј-офот на западот ќе го нагостат Сакраменто. Кингси синоќа многу полесно од очекуваното ги елиминираа кошаркарите на Голден Стејт Вориорс со 118-94. Киген Мареј со 32 поени беше незадржлив за противничките кошаркари, а сега во Лузијана ќе мора да ги победат и Пеликанс. Сакраменто беше многу мотивиран, а ова е одмазда за минатата сезона кога Кингси беа елиминирани токму од Ворирорс дури во седмиот натпревар.
Трагичар на средбата е Томпсон кој ги промаши сите 10 шутеви, а после овој пораз ќе стане слободен агент со оглед дека му истекува договорот. Кари запиша 22 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА