Леброн Џејмс влезе во конфликт со претседателот на САД, Доналд Трамп, откако тој ја откажа посетата на Голден стејт вориорс на „Белата куќа“ бидејќи најдобриот играч на „воините“, Стеф Кари, не сакал да присуствува на оваа свеченост. Посетите на „Белата куќа“ се традиција за шампионските тимови во сите врвни спортови во САД, но по изборот на Трамп за претседател се поголем е бројот на спортисти кои не сакаат да бидат дел од оваа свеченост.
„Посетата на Белата куќа се смета за голема чест за шампионскиот тим. Стеф Кари се двоуми, па затоа мојата понуда е повлечена“ – напиша Трамп на својот твитер-профил.
Ваквит коментар на првиот човек на САД предизвика бурни реакции во кошаркарската јавност, а најгласен беше Леброн Џејмс.
„Стеф Кари веќе рече дека не оди, така што не можеш да ја повлечеш поканата за некој што не сака да ти дојде. Посетите на Белата куќа беа голема чест додека ти не се појави“ – порача „Кралот Џејмс“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
