Лос Анџелес Лејкерс по неуспешната сезона тргнуваат кон нови аквизиции за враќање на титулата во Калифорнија. По договорот со Расел Вестбрук сега тимот ги насочи погледите кон ветераните Двајт Хауард и Кармело Ентони.
Центарот кој беше дел од победничкиот состав од сезоната 2019/20 претходната сезона ја помина во редовите на Филаделфија, а сега сака да се врати назад во Лос Анџелес. Желба за враќање на 35-годишникот изразил и тимот кому му одговара да добие искуство во рекетот по минимална цена со оглед на тоа што слободниот играч може да потпише ветерански договор.
На прагот на Лос Анџелес е и Кармело Ентони кој на залезот на кариерата сака да заигра „рамо до рамо“ со Леброн Џејмс. Оваа ситуација е слична како онаа со Хауард. Интерес постои и кај Лејкерс, но и кај самиот Ентони кој изјави дека со еден повик би се преселил во Калифорнија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА