Овојпат се помина без инциденти во НБА лигата, за разлика од Детроит, а Леброн успеа да се реваншира за исклучувањето со 33 поени и 9 асистенции, Вестбрук додаде 25 поени. Иако не блеснаа петти пат по ред, Лејкерс дома го добија Детроит со 110-106.
Милвоки рутински ја совлада Индијана со 118-100, а Џенис Адетокумбо постигна 26 поени и запиша 13 скока, па ова е седма победа во низа за Бакс. Сепак, многу повеќе од триумфот, внимание привлече веста дека Демаркус Казинс потпишал договор со шампионот до крајот на сезоната.
Кошаркарот на Атланта, Богдан Богдановиќ ќе биде надвор од терените најмалку две недели поради повредата што ја доби на дуелот со Њујорк Никс. Хокс ја прекинаа серијата од седум победи против Њујорк (90-99) и моментално се осми на Истокот со скор 11-10.
Српскиот репрезентативец го повреди зглобот и го напушти теренот со помош на соиграчите, а по прегледот со магнетна резонанца клубот го објави непосакуваниот медицински извештај.
„Потврдено е исчашувањето на десниот скочен зглоб. По период на одмор и рехабилитација, Богановиќ ќе се врати за околу две недели“, истакнаа од Атланта.
An @emoryhealthcare injury update:
Bogdan Bogdanovic, underwent an MRI earlier today at the Emory Sports Medicine Complex. The MRI confirmed a right ankle sprain. Following a period of rest and rehabilitation, his status will be updated in approximately two weeks. pic.twitter.com/s5iuK0ojSz
— Atlanta Hawks (@ATLHawks) November 29, 2021
Резултати:
Мемфис – Сакраменто 128: 101
Торонто – Бостон 97: 109
ЛА Лејкерс – Детроит 110: 106
ЛА Клиперс – Голден Стејт 99: 105
Индијана – Милвоки 100: 118
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
