Баерн Минхен синоќа се збогуваше од Лигата на шампионите откако загуби со 1-3 од Ливерпул пред своите навивачи. Баварците ги разочараа своите навивачи со „кукавичката“ игра која не им донесе ништо добро.
Јирген Клоп го надмудри Нико Ковач, а хрватскиот стратег доби критики и од главниот напаѓач на екипата, Полјакот Роберт Левандовски.
„На првиот натпревар не се ни обидовме да тргне кон противничкиот гол во желба за гол. И синоќа беше исто. Не игравме офанзивно со јасна интенција за гол, па затоа и немавме многу шанси. А зошто е тоа така треба да го прашате тренерот. Игравме на наш терен а игравме ‘кукавички’. Затоа Ливерпул сосема заслужено победи. Лут сум на многу нешта затоа што знам дека навивачите на Баерн не го заслужуваат ова“ – вели Левандовски.
Баерн сега се насочува кон домашното првенство каде е во игра за шампионската титула. Но, Нико Ковач, без сомнение, повторно ќе се најде на удар на навивачите и јавноста.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
