Ливерпул започна конкретни активности за ангажман на еден од најталентираните млади голмани во Белгија.
Според информациите од трансфер-пазарот, англискиот гигант воспоставил официјален контакт клуб со клуб со Генк за трансфер на 18-годишниот Луке Бругманс. Интересот за младиот голман се интензивирал по информациите дека Нотингем Форест испратил барање за можноста да го ангажира Џорџи Мамардашвили.
Ливерпул во моментов разгледува две опции. Доколку Мамардашвили замине во Нотингем Форест, Бругманс би можел да пристигне на „Енфилд“ уште ова лето. Втората можност е трансферот да биде договорен сега, а белгискиот голман да му се приклучи на Ливерпул во 2027 година.
Бругманс е висок дури 2,00 метри, а и покрај тоа што има само 18 години, веќе има настапи за првиот тим на Генк. Тој исто така ги поминал сите младински репрезентативни категории на Белгија од У15 до У19.
Младиот голман важи за голем талент, а неговите настапи привлекле внимание и од Баерн Минхен. Ливерпул, сепак, би можел да го доведе како долгорочна инвестиција и потенцијален наследник во голманската позиција.
Ситуацијата дополнително ја комплицира интересот на Нотингем Форест за Мамардашвили. Ливерпул не планирал задолжително да го менува својот втор голман ова лето, но евентуалното заминување на Грузиецот може да го принуди клубот да реагира во самиот финиш на преодниот рок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
