Иднината на Коди Гакпо во Ливерпул би можела да биде решена уште викендов, а клучни разговори се очекува да се одржат по денешниот натпревар.
Манчестер Сити останува сериозно заинтересиран за холандскиот репрезентативец и продолжува да работи на неговиот трансфер. Интересот од „граѓаните“ е интензивен, додека Тотенхем е во трката за Гакпо уште од јули.
Сепак, Ливерпул нема намера едноставно да се откаже од својот фудбалер. Клубот би бил подготвен да разгледа продажба на Гакпо само доколку претходно обезбеди квалитетна замена за него.
Токму тоа би можело да биде клучниот фактор во понатамошниот развој на ситуацијата. Ливерпул не сака да остане без важна опција во нападот, па евентуалното заминување на Гакпо ќе зависи од тоа дали клубот ќе успее да донесе фудбалер од највисока класа.
Следните денови се очекува да бидат клучни за иднината на 27-годишниот Холанѓанец, а Манчестер Сити и Тотенхем внимателно ја следат ситуацијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
