Натпреварот на најдобрите кошаркари во НБА лигата во 2026 година ќе се игра во Лос Анџелес, соопштија од раководството на НБА лигата.
Ол-стар викендот ќе се одржи во новата арена на Лос Анџелес Клиперс, која ќе биде отворена во Инглвуд пред почетокот на сезоната 2024/2025.
Клиперс планираат да се вселат во новата „Intuit Dome“ во јуни, а отворањето треба да се случи во август. Ол-стар викендот во 2026 година ќе започне на 13. февруари со Ѕвездите во подем, а потоа ќе следи натпреварот за вештини, три поени и забивање еден ден подоцна и Ол-стар натпреварот на 15. февруари.
Оваа година ол-старот е во Индијанаполис, а во 2025 година во Сан Франциско.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
