Од титулата светски клупски првак на Реал Мадрид ќе заработи и Челси. „Кралевите“ ќе треба да им исплатат на лондонските „сини“ 20 милиони фунти, поради договор од претходно.
Станува збор за договорот на Еден Азар кој од Челси се пресели во Реал Мадрид во 2019 година за 100 милиони евра, но сумата може да достигне 146 милиони евра со се бонуси. Токму еден тие бонуси се активира.
Во клаузулата стои дека доколку Азар ја освои светската клупска титула, Реал ќе треба да исплати 20 милиони фунти. Претходно Челси заработи и за освојување на Азар на Лигата на шампионите и од европскиот Супер-Куп. Инаку да биде работата уште поинтересна, Азар не ни беше во комбинација за настап на светското клупско првенство поради повреда.
Тоа значи дека бонусите се активирани, и дека Челси од целиот трансфер ќе заработи многу повеќе од оние 100 милиони евра, кои „кралевите“ му ги исплатија на премиерлигашот за трансферот на белгискиот играч во 2019 година.
@CFCMod_ @CFCPys @CFCDUBois bro s is it true @realmadrid will have to pay @ChelseaFC £20m sake of @hazardeden10 winning the FIFA CLUB WORLD CUP 🤔😂
— Qwabena Nyametease 🇬🇧🇬🇭 (@OseiNyametease) February 12, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
