Екипата на Лугано за која настапува македонскиот репрезентативец Езгјан Алиоски со пресврт славеше против Црвена звезда во првото коло од Лигата на конференции.
Швајцарскиот тим победи со 3:2 и тоа со два гола во финишот со кои направи целосен пресврт.
Лугано го отвори резултатот во 25-та минута со голот на Ајети, но само седум минути подоцна, Елшник го израмни резултатот.
Во второто полувреме, Круниќ и донесе водство на Црвена звезда во 67-та минута, но во финишот, Лугано успеа да направи пресврт. Прво Момкада во 84-та минута израмни на 2:2, а пет минути подоцна, Гргиќ од пенал погоди за триумф на Лугано. Алиоски натпреварот го започна од клупата за резервни играчи, а во игра влезе во 79-та минута.
Панатинаикос со 2:1 го победи Борац Бања Лука, а македонскиот репрезентативец Елмин Растодер ги одигра последните десетина минути. Грчкиот тим поведе со 2:0 со головите на Десерс и на Кангва, а Борац намали во 80-та минута преку Јојиќ, но немаше сили за изненадување.
Резултати: ЦСКА Софија – Монако 1:2, Егнатиа – Митјиланд 1:1, Гент – Архус 1:0, Хајдук – Ајакс 2:1, КуПС – Трабзонспор 2:4, Лугано – Црвена звезда 3:2, Мјалби – Ескалдес 2:0, Панатинаикос – Борац 2:1, Рига – Каират 1:1, У. Крајова – Хетафе 1:1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
