Луис Енрике ќе остане на клупата на ПСЖ до летото 2030 година, откако францускиот шампион го продолжи договорот со шпанскиот стратег.
Енрике пристигна во Париз во 2023 година и за релативно краток период успеа да го подигне клубот на највисоко европско ниво. Под негово водство ПСЖ дватпати по ред триумфира во Лигата на шампионите, а во француската Лига 1 освои три титули.
Со продолжувањето на соработката, ПСЖ му дава целосна поддршка на тренерот кој во последните сезони го предводеше клубот до историски успеси и создаде тим способен повторно да се бори за европскиот врв.
„Ова е мојата четврта сезона во клубот. Никогаш досега не сум останал толку долго на едно место како тренер, но имам голема доверба во клубот и навивачите и се надевам дека ќе продолжам уште долго“, изјави Енрике по потпишувањето на новиот договор.
Покрај Енрике, клубот ги продолжи договорите и со неколку важни фудбалери. Фабијан Руиз ќе остане до 2028 година, додека Вилијан Пачо, Жоао Невеш, Лукас Бералдо и Сени Мајулу потпишаа договори до 2031 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
