Дербито на Тексас во НБА лигата помеѓу Хјустон и Далас заврши со гостинска победа од 106-112 откако Лука Дончиќ оствари дабл-дабл учинок од 50 поени и 10 асистенции, а додаде и 8 скока.
Јубилиејниот педесетти поен воедно беше и клуч за победата на Далас кога на 18 секунди пред крајот Словенецот реализираше за три поени за предност од два напада.
Luka Doncic scores his 50th point of the night on this potential dagger trey 🗡️pic.twitter.com/m4oTkPrRsT
— ClutchPoints (@ClutchPointsApp) December 24, 2022
Натпреварот помеѓу Атланта и Детроит го одбележаа српскиот и хрватскиот Богдановиќ, а на победа од 130-105 се радуваше Богдан. Србинот постигна 19 поени за својот тим, додека Хрватот во спротивните редови броеше до 23.
Никола Јокиќ пак повторно беше блиску до трипл-дабл учинок проследен со 29 поени, 11 асистенции и 8 скока во победата од 120-107 против Портланд. Јусуф Нуркиќ реализираше 11 поени, 7 скока и 3 асистенции.
Алексеј Покушевски постигна 17 поени, 6 скока и 3 асистенции во драматичниот натпревар помеѓу Оклахома и Њу Орлеанс кој заврши со гостинска победа од 125-128 по дополнителни пет минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
