Газиантеп во следните денови ќе го претстави Лука Станковски како ново засилување на екипата. Фудбалерот на Работнички ги договорил сите детали околу преминот во турскиот клуб, и остануваат само детали до комплетирањето на трансферот.
Станковски во минатото беше пред потпис со Монца, но трансферот пропадна во последен миг.
Станковски е дел од младинската репрезентација на Македонија до 21 година, а играше и за помладите селекции до 19, до 17 години.
Газиантеп есенскиот дел го заврши на деветото место на табелата, од 19 меча има осум победи, четири нерешени средби и седум порази.
Ако потпише, Станковски ќе биде првиот македонски фудбалер кој ќе настапува во овој клуб. Пред трансфер во Турција е и првиот стрелец Мартин Мирчевски кој треба деновиве да потпише со Маниса.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
