Лука Дончиќ во осмиот меч сезонава повторно постигна повеќе од 30 поени. Во триумфот од 111-110 над Торонто, кошаркарот на Далас запиша 35 поени и на тој начин стана првиот кошаркар по Вилт Чемберлен (1959 и 1962 година) кој на стартот од сезоната во првите осум меча постигнал 30 или повеќе поени.
Натпреварот го одбележаа два неверојатни потези на 23-годишниот Словенец – асистенција по удвојување и погодок после мајсторски дриблинг со шут од свртување.
„Дали ја мина топката меѓу нозе најмалку осум пати? Тоа само тој го може. Неговите потези ги изненадуваат сите, а мислам дека се изненадува и самиот тој“ – истакна тренерот на Далас, Џејсон Кид.
„Да, некогаш се изненадувам и самиот себе. Не знам како го изведов тоа, беше навистина тежок шут. Сите зборуваат за тоа“ – изјави Дончиќ, кој со 36 поени просечно е најдобар стрелец во НБА лигата.
“I don’t know how I made that”
Watch as Luka Doncic breaks down his 2 unbelievable highlights in the @dallasmavs win tonight! #MFFL pic.twitter.com/Sl6dJGrRxe
— NBA (@NBA) November 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА