ЕКИПА во Гент, Белгија
Горан Бошев
Формацијата нема да се менува, ќе има само измени во составот на македонскиот национален тим, кој вечерва во Гент ќе се спротивстави на Белгија, и ќе го брани првото место во групата.
Селекторот Благоја Милевски не отстапува од формација со тројца стопери позади, со офанзивни бекови кои ќе имаат и дефанзивни задачи, и со двајца играчи во нападот. Средината на теренот исто така ќе има задача да помага и во одбрана и да дејствува во напад.
Македонија за вечерашниот меч има само едно отсуство. Бојан Илиевски нема да се најде на десната бековска позиција поради жолти картони, а неизвесен за настап и воопшто за комбинација е Дарко Чурлинов, кој вчера тренираше со намален интензитет и одвоено од останатите играчи.
Димитриевски се очекува да биде стартер, во одбраната да играат Муслиу, Стојчевски и Зајков. На страничните позиции Ашковски и Алиоски, во средниот ред Исник Алими, Енис Барди и Јани Атанасов, во нападот Елиф Елмас и Бојан Миовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
