Шведскиот клуб Малме испратил понуда до легендарниот ас Златан Ибрахимовиќ да се врати во клубот на неговата младост и да ја заврши кариерата таму каде што ја почна. Ибракадабра има седум шампионски титули од пет национални првенства, освоени со Ајакс, Интер, Барселона, Милан, ПСЖ, а во колекцијата не се вброени само Малме, Манчестер јунајтед и сегашниот негов клуб Лос Анџелес галакси.
Напаѓачот сериозно размислува за оваа понуда и можно е да ја прифати токму за да освои титула и во Шведска.
„Ме поканија да се вратам во Малме и таму да ја завршам кариерата. Сериозно размислувам за тоа, а главна мотивација ми е шампионскиот трофеј во Шведска. Кога бев млад, ми велеа дека знам да играм, но дека не знам да постигнувам голови. Сега стигнав до бројка од 500 постигнати голови, и навистина се смеам кога ќе се потсетам на тие мои почетоци“, изјави Златан Ибрахимовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА