Англискиот првак Манчестер Сити ќе добие забрана за трансфери во наредните два преодни рока, откриваат медиумите на Островот. Клубот од „Етихад“ неколку е под истрага на УЕФА за нелегално комплетирање на трансфери на малолетни фудбалери, а според британските медиуми европската куќа на фудбалот во следните неколку дена ќе ја соопшти одлуката. Таа ќе биде идентична како и за уште еден премиерлигаш, Челси, па се очекува и Пеп Гвардиола како и Маурицио Сари да не може да купува нови фудбалери до јуни 2020 година.
УЕФА го истражува и ангажманот на Џејдон Санчо во Манчестер Сити, кој во 2015 година како 14-годишен малолетен фудбалер прејде во редовите на „граѓаните“. Постојат докази дека тоа е направено на недозволен начин. Токму поради ова, Манчестер Сити и се решил да го продаде во Борусија Дортмунд.
„Граѓаните“ исто така се наоѓаат под истрага на УЕФА за прекршување на финансискиот ферплеј, за што им се заканува дури и исклучување од Лигата на шампионите во наредните неколку години. Сепак, казната за таа истрага се очекува дури по завршувањето на сезонава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
