Со нерешениот резултат против Бразил (1:1) на Светското првенство во 2026 година, мароканската репрезентација не само што освои важен бод, туку и испиша единствена страница во фудбалската историја.
„Атлас Лајонс“, кои на Светското првенство во 2022 година во Катар станаа првата африканска репрезентација што стигна до полуфиналето на Светското првенство, сега поставија уште еден преседан.
Имено, Мароко стана првата репрезентација во историјата на светските првенства чии сите 11 играчи се родени надвор од земјата чиј дрес го носат на теренот.
Овој интересен податок најдобро ја илустрира силата на мароканската дијаспора, но и успешната стратегија на Мароканската фудбалска асоцијација, која со години привлекува играчи од мароканско потекло родени низ цела Европа и Северна Америка.
Меѓу стартерите против Бразил беа фудбалери родени во дури четири различни земји. Ашраф Хакими, Исмаел Саибари и Чади Риад се родени во Шпанија. Во Франција се родени Иса Диоп, Нил Ел Аџнауи, Ајуб Буади и Ел Мурабет, додека Белгијци по место на раѓање се Чемсдин Талби и Билал Ел Ханус. Десниот бек Нусаир Мазрауи е роден во Холандија, а искусниот голман Јасин Боно во Канада.
Иако не се родени во Мароко, сите го заработија правото да играат за оваа национална репрезентација преку своите семејни корени и решија да ги поврзат своите кариери на меѓународната сцена со земјата на своите предци
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
