Бразилскиот фудбалер Марсело до крајот на преодниот рок ќе го напушти Реал Мадрид, пренесува шпанскиот „Дон Балон“. Тој донел одлука кариерата да ја продолжи во Серија А и треба да му се придружи на големиот пријател Кристијано Роналдо во Јувентус.
За него се интересирал и Интер, но Марсело сепак одлучил да се пресели во Торино.
32-годишниот Марсело има актуелен договор со Реал Мадрид, но наводно „кралевите“ нема да му стојат на патот и ќе му дозволат да ја напушти Шпанија.
Марсело поради повреда не беше во тимот на Зидан на дуелот против Бетис изминатиов викенд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА