Македонската фудбалска репрезентација сосема очекувано го доби признанието за најдобар национален тим на годината на синоќешниот избор на најдобрите за 2020 година организиран од Агенцијата за млади и спорт. Вечерта на мак-фудбалот го заокружија и наградите за Горан Пандев, Игор Ангеловски и Фудбалската федерација на Македонија како најдобра спортска федерација во изминатава година.
„Велат ‘тивката вода, брег рони’… Тој начин на работа ни донесе пласман на Европско првенство и враќање на довербата во македонскиот фудбал. Голема е честа што ќе имаме огромна улога во промовирањето на надворешниот имиџ не само на нашиот фудбал, туку и на нашата земја. Тоа исто така е обврска и голема одговорност. Заедно со фудбалерите ќе дадеме се од себе одново да ја израдуваме јавноста“ – истакна во името на сите од фудбалската селекција, директорот на А-репрезентацијата, Дени Масев.
Масев го потенцираше значењето на успехот на фудбалерите за тој успех, но и на ФФМ и првиот човек Муамед Сејдини…
„За нашиот успех се заслужни фудбалерите, но и Фудбалската федерација на Македонија и претседателот Муамед Сејдини кој го регенерираше крвотокот на македонскиот фудбал. Тој пат мора да се продолжи. Имаме федерација која секојдневно се грижи за развој на македонскиот фудбал, а немаше да го постигнеме и без посветена работа на поединците во телата и органите во федерацијата, а секако тоа се однесува и на сите клубови“ – рече директорот на македонската репрезентација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
