Селекторот на машката пионерска ракометна репрезентација на Македонија (ракометари до 16 години), Никола Матлиески, го објави списокот од 16 повикани играчи за претстојните активности во рамките на ЕХФ неделата и дебитантскиот настап во новоформираната Регионална лига.
Собирот на најмладата национална селекција е закажан за вторник, 3 ноември, со почеток во 10 часот, кога и официјално ќе започнат подготовките за претстојните мечеви.
Македонија е сместена во групата Ц од Регионалната лига, каде за противници ги има селекциите на Црна Гора и Косово. Првиот турнир ќе се одигра во Црна Гора, а македонските пионери својот прв натпревар ќе го имаат в петок против домаќинот. Веќе в сабота, избраниците на Матлиески ги очекува и вториот дуел против репрезентацијата на Косово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
