Лион, седмопласираниот тим од француското првенство, со победа од 3-1 во четвртфиналето го исфрли од Лигата на шампионите тимот на Манчестер сити, еден од најдобрите и најбогатите клубови на светот кој го води Пеп Гвардиола.
Па, со оваа сензација на Лион, за првпат во историјата на Купот на шампионите и Лигата на шампионите во полуфиналето се два француски клуба. Французите, сосема заслужно, гордо и пркосно го слават историскиот успех затоа што нивното првенство е најмалку атрактивно од најсилните европски лиги. Со исклучок на ПСЖ, кој повеќе е катарски отколку француски клуб, во Франција не играат најголемите ѕвезди на светскиот фудбал. Затоа и многумина од елитните европски првенства ја нарекуваат „селска лига“.
Токму тоа го инспирираше напаѓачот на ПСЖ, Килијан Мбапе на Твитер да го честита успехот на Лион со коментар – „селска лига“ и лице на кловн.
FARMERS LEAGUE ?
?????? @OL
— Kylian Mbappé (@KMbappe) August 15, 2020
Лион, исто така, на својот официјален Твитер профил прослави на сличен начин. „Тука нема селјаци“ – напиша со фотографија на своите фудбалери кои слават по победата над фаворизираниот Манчестер сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА