Лионел Меси продолжува со давањето на помош на оние на кои таа им е најнеопходна во периодот на светска пандемија од коронавирус.
Асот на Барселона веќе донираше еден милион евра на каталонска фондација за борба со Ковид-19, а денеска беше обелоденета и неговата донација во татковината. Имено, Меси издвоил 500.000 евра за фондацијата Гарахан, за помош во борбата со новата болест.
„Со овие пари ќе биде купена заштитна опрема за медицинскиот персонал за неколку реони од државата, сето она што им е неопходно на докторите и медицинските сестри на првата линија од фронтот. Ти благодариме Лео Меси за донацијата“, изјави директорот на Гарахан фондацијата, Силвио Касаб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА