Милвоки израмни на 2-2 во финалната серија од НБА-лигата откако бакс го забележа и вториот триумф на домашен терен над Феникс, овојпат со резултат 109-103.
Во главна улога беше Крис Мидлтон, кој беше незапирлив за гостите од Феникс финиширајќи го натпреварот со 40 поени, најмногу во победничката екипа. Мидлтон погоди неколку клучни шутеви во завршницата, кога Милвоки во последните три минути го сврте резултатот во своја полза и стигна до победата. Стандардно одличен беше и Адетокумбо, кој овојпат заврши со 26 поени, 14 скокови и осум асистенции, но грчкиот ас имаше и клучна блокада при обид за цепелин на Ејтон на нешто повеќе од една минута до крајот, при водство на Милвоки од 101-99.
This block by Giannis has gotta be the play of the game, might end up being the play of the series. Just an UNREAL play pic.twitter.com/KpXZPbGhqf
— Mike Korzemba (@mikekorz) July 15, 2021
Во таборот на Феникс најистакнат беше Девон Букер со 42 поени, но и тоа беше недоволно за да се направи „брејк“ во Милвоки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА