Македонскиот интернационалец Мирко Ивановски беше стрелец на погодок за Диосѓер во поразот (1-2) на домашен терен од Академија Пушкаш. Поранешниот репрезентативец погоди уште во петтата минута од средбата, но, сепак, Диосѓер не успеа да ја сочува предноста.
Со головите на Деуч и на Ванечек, тимот на Академија Пушкаш направи целосен пресврт и стигна до триумф на мечот.
Мол Фехервар со 1-0 го совлада Дебрецен. Бобан Николов настапи во второто полувреме и доби минутажа од триесетина минути, а Висар Муслиу не играше поради повреда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
