Македонската кошаркарска репрезентација е во Маврово каде во следниот период ќе ги одработува подготовките за престојните натпревари против Данска и Словачка во претквалификациите за Европското првенство 2025. За истите Македонија доби и нов селектор во Александар Јончевски, а младиот стратег од денеска може да смета и на услугите на Теодор Симиќ.
Во текот на вчерашниот ден на „експедицијата“ им се приклучи и Андреј Јакимовски кој беше лидер на последните натпревари против Шпанија и Украина, а се наскоро очекува и приклучувањето на Ненад Димитријевиќ и Кристијан Николов кои имаат обврски со новите клубови Уникс Казањ и Коњаспор.
Репрезентацијата ќе остане во Маврово до крајот на седницата, а потоа следи патување во Бар каде ќе биде одиграна единствената контрола средба против Црна Гора пред натпреварите против Данска на 25. август и Словачка на 28. август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
