Хрватскиот фудбалер Лука Модриќ говореше за своите поранешни тренери Жозе Мурињо, Карло Анчелоти и Рафаел Бенитез. Модриќ во кралскиот клуб е од 2012 година и соработуваше со сите стратези, за кои има само зборови на пофалба.
„Мурињо беше клучен за моето доаѓање во Мадрид. Штета што соработувавме само една година, бидејќи е одличен тренер. Тежок карактер е, некогаш многу тврд, но беше искрен и тоа многу го почитувам. Анчелоти е спектакуларен како тренер, а уште подобар како човек. Добро се сложувам со него и се уште често разговараме. Бенитез исто така е добар тренер, но немаше среќа во Реал. Тоа е фудбалот, не успева секој добар тренер во секоја екипа“, изјави Модриќ.
Модриќ на „Сантијаго Бернабеу“ е од 2012 година, а во тој период успеа дури четири пати да ја освои Лигата на шампионите, а во 2018 година го доби признанието за најдобар фудбалер во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
