ЕКИПА во Љубљана,
Никола Ѓуровски
Македонскиот селектор Игор Ангеловски со една измена во стартниот состав, во однос на натпреварот против Летонија, ќе и се спротистави на Словенија вечерва од 20:45 часот на „Стожице“ во Љубљана.
Ангеловски се одлучи во формација 3-5-2 да им се спротистави на Словенците со тоа што во последната тројка дефанзивци сега, покрај Дарко Велковски и Висар Муслиу влегува и Егзон Бејтулаи. Во средниот ред на крилните позиции ќе бидат Езгијан Алиоски по левата и Стефан Ристовски по десната страна, а на средина Барди, Николов и Елиф Елмас кој сега е стартер на местото на Ферхан Хасани.
Од офанзивната линија отпадна Александар Трајковски, а во Љубљана вечерва наша ударна напаѓачка двојка ќе биде капитенот Горан Пандев и Илија Несторовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА