Манчестер јунајтед успеа во самиот финиш од мечот синоќа да го скрши отпорот на Дерби и да обезбеди пласман во следната рунда натпревари од ФА Купот. Головите за „црвените ѓаволи“ ги постигнаа Лингард и Лукаку чиј гол го прославија буквално сите играчи на Јунајтед.
Лукаку баш и не блеска по доаѓањето од Евертон, а колку му значи синоќешниот погодок се виде по големата прослава. Сите играчи се одлучија да му дадат поддршка, но Мурињо има поинаква теорија зошто сите беа среќни по вториот гол…
„Ја сакате вистината? Да не победевме и да моравме да играме реванш тогаш никој од нас немаше да оди во Дубаи следната недела. Сите сакаат да одат па затоа беа така среќни по вториот гол на Лукаку“ – рече Мурињо.
Фудбалерите на Манчестер јунајтед ќе се подготвуваат за следниот меч од Премиер лигата во Дубаи затоа што ќе имаат седум дена „одмор“. Поради лошите временски услови во Англија одлучено е да се реализираат кратки подготовки во Дубаи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
