Бразилскиот лев бек Алекс Сандро ќе го напушти италијанскиот првак Јувентус, а тоа ги стави на готовс англиските премиерлигаши. Менаџерот на Челси, Антонио Конте, од поодамна го посакува на „Стемфорд бриџ“, а во трката за него се вклучува и Жозе Мурињо. Тој исто така има проблеми на левата бековска позиција, а Алекс Сандро би ги решил на најдобар можен начин.
Португалецот доби околу 90 милиони фунти за засилувања во зимскиот преоден рок и планира најголем дел од нив да потроши за ангажман токму на лев бек. Дени Роуз е исто така опција за Манчестер јунајтед, а Тотенхем за него бара 50 милиони фунти. Алекс Сандро е поскапата варијанта, но и реално многу поквалитетна, па Мурињо ќе се обиде да го победи Челси во трката за него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
