Сосема очекувано МЗТ Скопје оправдувајќи ја фаворитската улога убедливо славеше на гостувањето во Охрид во 21. коло од Првата македонска кошаркарска лига. „Металците“ славеа против АВ Охрид со 63-91.
Уште од самиот старт избраниците на Жељко Лукајиќ сериозно му пристапија на натпреварот па веќе по првата четвртина имаа предност од 12-25. Се понатаму беше само рутина за заокружување на победата која на крајот изнесуваше цели 28 поени разлика.
Најефикасни во победничкиот тим беа Дејан Стојановски и Маслинко со по 17 постигнати поени. По 16 поени постигнаа Соколов и Лалиќ, кој имаше и 9 скока. Во поразениот состав на Охрид се издвоија Зимиќ и Кенет со по 21 постигна поен.
По овој триумф, МЗТ Скопје со 15 победи и 6 порази се врати на третата позиција на табелата со 36 бода, два помалку од второпласираната Блокотехна и шест помалку од водечкиот Работнички кој има 21 максимална победа од исто толку дуели.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
