Рафаел Надал се пласираше во четвртфиналето на првиот АТП Мастерс 1000 турнир сезонава во Индијан Велс, откако во осминафиналето славеше над Американецот, Рејли Опелка со 2-0 по сетови 7-6 и 7-6.
Првиот сет ниту еден од тенисерите не успеа да стигне до брејк, а Шпанецот го реши добивајќи го тај-брејкот со 7-3. Во вториот сет Американецот прв стигна до брејк, но Надал успеа да го врати и да го одведе и вториот сет во тај-брејк. Таму повторно беше подобар Шпанецот со 7-5.
Таму за противник го чека Австралиецот, Ник Кирјос кој без борба го доби натпреварот против Италијанецот, Јаник Синер. Во четвртфиналето се пласираа и Србинот Миомир Кецмановиќ кој го изненади шестиот носител Матео Беретини од Италија, како и Тејлор Фриц кој беше подобар од Де Минаур.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА