Рафаел Надал повторно се врати на првото место на АТП ранг листата со 8770 бодови. По лошиот настап на Мастерсот во Мајами, Роџер Федерер мораше да ја препушти лидерската позиција и сега е втор со 8670 бода.
Понатаму на најновата АТП ранг листа следат Марин Чилиќ и Александар Зверев кој по финалето во Мајами сега дојде на четвртата позиција, додека на петтото место е Бугаринот Григор Димитров. Во Топ 10 уште се наоѓаат и Хуан Мартин Дел Потро, Доминик Тием, Кевин Андерсон, Џон Иснер (кој по освојувањето на Мајами од 17. место дојде до 9. место) како и Давид Гофин.
Најдоброрангиран македонски тенисер е Томислав Јотовски на 537. место со 59 поени, додека Димитар Грабул е на 1441.место со 2 АТП поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
