Рафаел Надал загуби од Австриецот Доминик Тим во четвртфиналето на Мастерсот во Мадрид со 5-7,3-6, па на тој начин ја прекина неверојатната серија од 50 едноподруго добиени сетови на земја.
„Секако дека сум разочаран. Се обидов да се борам, но не бев доволно добар. Тим беше подобар и заслужено победи“ – истакна Надал, кој сега ја загуби и првата позиција на АТП листата на која од понеделник повторно ќе биде Швајцарецот Роџер Федерер.
„Една од најтешките работи е да се победи Рафа на земја. Затоа оваа победа ми е толку посебна, да го победите во неговата дневна соба во Мадрид… Беше неверојатно“ – рече Тим по вчерашниот меч.
Австриецот во полуфиналето ќе игра со Кевин Андерсон од Јужноафриканската република.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
