Рафаел Надал би можел повторно да се врати на тениските терени, иако по завршувањето на професионалната кариера призна дека не му недостига премногу тенисот.
По повод десетгодишнината од неговата академија на Мајорка, Шпанецот минатата сабота организираше егзибициски турнир на кој учествуваа Енди Мареј, Карлос Моја, Доминик Тим, Марат Сафин, Давид Ферер, Ришар Гаске и Фабио Фоњини.
Легендарниот Шпанец, освојувач на 14 титули на Ролан Гарос, повторно го зеде рекетот во таа прилика и наговести дека би можел да се врати на теренот во егзибициски натпревари.
„Во еден момент повторно ќе играм егзибициски натпревари, сакам. Подготовките бараат одреден напор, бидејќи мора да го доведете телото во вистинската состојба. Мислам дека тоа е нешто што треба да го пробам, но сакам да живеам ден за ден и да не размислувам премногу однапред“, рече Надал, а како што објави „Л’Екип“.
Иако неговото тело претрпе бројни повреди во текот на кариерата, Надал очигледно не ја затворил целосно вратата за враќање на теренот, дури ни во егзибициските натпревари.
„Секој ден сè уште чувствувам мала болка, вистина е и дека имав операција и морав да вградам мала протеза во раката, дека не е пријатно, но морав да го направам тоа. Но, вистина е и дека силната болка што ме мачеше долго време целосно исчезна и тоа имаше многу добар ефект врз мојата ментална состојба. Се чувствувам подобро психолошки, имам помалку проблеми отколку порано и повеќе уживам во животот. Сето тоа е многу важно“, заклучи Надал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
