Рафаел Надал продолжи со победите во 2022 година, пласирајќи се во третото коло на Индијан Велс со триумфот во три сета против Себастијан Корда.
Надал победи по неверојатен пресврт со 2-6, 6-1 и 7-6(3), на тој начин годинава продолжувајќи со 16 победи. Во третиот сет губеше и со 2-5, со огромни два брејка заостанување, но успеа да се врати и да го остави Американецот само на три поени. Противник во третото коло ќе му биде Британецот Дан Еванс.
„Среќно победив. Ова беше мојот најлош меч годинава. Жал ми е за противникот, мислам дека повеќе ја заслужи победата од мене, но така е тоа понекогаш во спортот. Се борев до крајот и успеав некако да победам“ – истакна Надал по мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
