Сериозно се вжештија муабетите за ново континентално натпреварување кое би започнало под покровителство на НБА. Прво, НБА и ФИБА Европа ги започнаа разговорите, но сега во приказната се приклучува и Евролигата.
Отпрвин се чинеше дека НБА и ФИБА сакаа да ја заменат Евролигата и да воспостават натпреварување кое во прв момент ќе биде пандан на Евролигата, а потоа целосно да го заменат. Сепак, како што информираат медиумите, во разговорите е вклучена и Евролигата и многу е можна тројна средба на трите организации.
Интересно е тоа што ФИБА дала лесна согласност на приватен субјект од САД да влезе во Европа, додека е во сериозен и долгорочен конфликт со Евролигата. Сепак, ФИБА неколку пати изјави дека целта е аранжманот да биде идеален за сите кошаркари и сите заедно да работат за да го постигнат тоа.
Во меѓувреме, Евролигата почнува нова етапа од својата историја од следната сезона со воведување на еден вид селари кеп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
