Американскиот тенисер Бен Шелтон откри дека лично го информирал Карлос Алкараз за почетокот на соработката со Хуан Карлос Ферер, и тоа пред веста да стане јавна. Според него, Шпанецот реагирал на начин што дополнително го воодушевил.
Шелтон зборувал за тоа за „Тенис ченел“ пред финалето на Мастерс турнирот во Париз, во кое ќе се сретне со Алкараз во недела.
Со години, Фереро беше тренер и ментор на Алкараз, со кого постигна најголем успех, пред одеднаш да се разделат во декември минатата година.
Затоа Шелтон сметал дека е исправно неговиот ривал да биде првиот што ќе дознае за новата соработка.
„Секако, го контактирав пред да се објави веста. Сакав да го известам бидејќи знам колку силна и успешна била нивната врска толку долго“, рече Шелтон.
Потоа Американецот откри како реагирал Алкараз.
„Не познавам подобар човек во тенисот од Карлос Алкараз. Тој ми одговори веднаш, откако го освои турнирот во Виена. Ми рече дека е навистина среќен за мене и дека мојата игра многу ќе се подобри со соработка со Хуан Карлос.“
Шелтон верува дека ваков вид реакција најдобро покажува каков е Алкараз надвор од теренот.
„Мислам дека тоа го прави толку голем и достоинствен шампион, но и личност која навистина, навистина му е потребна на нашиот спорт.“
Интересно е што Шелтон и Алкараз сега ќе се натпреваруваат во финалето во Париз (недела, 15 часот), додека Американецот се подготвува за нова фаза од својата кариера со човекот кој со години беше еден од најважните луѓе во тренерскиот штаб на неговиот ривал.
Ben Shelton says he told Carlos Alcaraz he was adding Juan Carlos Ferrero to his team before the news dropped, ‘He told me he was so happy for me’
“Obviously I reached out to him before the news dropped. I wanted to let him know because I know how long and successful their relationship has been. I don’t know that there’s a better guy on tour than Carlos Alcaraz. He hit me back right away after winning Vienna. He told me he was so happy for me and how big the improvements in my game were gonna be working with Juan Carlos. I think that’s what makes him such a great graceful champion and someone that our sport really really needs.”
(via @TennisChannel)
— The Tennis Letter (@TheTennisLetter) November 7, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
