Пари Сен Жермен го загуби дербито против Олимпик Марсеј со 0-1 што е втор неуспех од стартот на првенството за францускиот првак. Бразилецот Нејмар беше исклучен во самиот финиш по жестоката пресметка со противничкиот дефанзивец Алваро Гонзалез, а не можеше да се смири уште долго по мечот.
„Единствено жалам што не го удрив тој с*ерко в лице. Го заслужи тоа. Ме провоцираше и расистички ме навредуваше“, изјави Нејмар.
Алваро успеа да се извлече и да не добие црвен картон, а покрај Нејмар исклучувања добија и Курзава и Паредес од тимот на ПСЖ, како и Амави и Бенедето од составот на Олимпик Марсеј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА