Пари Сен Жермен во летниот преоден рок ги купи Нејмар и Килијан Мбапе, но нема да застане тука. Ново сензационално засилување може да биде Пјер – Емерик Обамејанг, напаѓачот на Борусија Дортмунд, кој е на излезна врата од клубот. А трансферот би можел да го договори – Нејмар.
Обамејанг и Нејмар се големи другари, а Габонецот синоќа беше во Париз и тоа во друштво на бразилскиот ас. Ова секако ги разбуди шпекулациите дека Обамејанг би можел да биде следната аквизиција на „Паркот на принцовите“. Иако ПСЖ има проблеми со финансискиот фер-плеј, сепак, можноста да го доведе Обамејанг секако ќе му се допадне и на тренерот Унаи Емери.
Во таков случај, јасно е дека Единсон Кавани ќе го напушти ПСЖ, како и уште неколку фудбалери меѓу кои Ди Марија, Дракслер, Лукаш, Бен Арфа…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
