Карлос Алкараз ја продолжи импресивната серија настапи на турнирите во САД, без мака стигнувајќи до полуфиналето во Мајами по импресивната победа над Тејлор Фриц од 2-0 во сетови. Домашниот тенисер се надеваше дека ќе може да го изненади светскиот рекет број 1, но Шпанецот одговори на вистински начин, со брејк уште во првиот гејм, за да ја сочува предноста до крајот и да слави во стартниот сет со 6-4.
Алкараз потоа го почна и вториот сет со брејк на самиот старт, првиот носител нешто подоцна повторно го освои сервисот на противникот, за рутински пласман во полуфиналето. Таму ќе го очекува пресметка со Џек Синер, кого неодамна го совлада во Индијан Велс со 2-0 во сетови.
Во второто полуфинале силите ќе ги одмерат Русите Медведев и Хачанов, кои славеа во своите четвртфинални пресметки, Медведев беше подобар од Американецот Јубанкс со 6-3, 7-5, додека Хачанов не виде мака со Аргентинецот Черундоло (6-3, 6-2).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
