Македонија ЃП ја запиша првата победа во вториот свој натпревар од новата сезона во Првата македонска фудбалска лига. „Лавовите“ беа убедливи против прилепска Победа на домашен терен славејќи со 4-1 (3-1) во првиот меч од 3. коло.
Одличен динамичен дуел во Ѓорче Петров од самиот почеток. Фудбалерите на Македонија ЃП со агресивната игра веднаш ја најавија желбата за триумф, со прекрасниот гол за 1-0 на Емини уште во 6. минута.
Но, Мазари во 18. минута успеа да погоди за израмнување.
Сепак, во 34. минута одлична акција на домашните која со гол за 2-1 ја крунисува Стојкоски, а веќе во 39. минута со својот втор гол Емини носи 3-1 на полувремето.
Второто полувреме се играше далеку помирно, без многу шанси на двете страни.
Од една од посериозните можности во вторите 45 минути, Македонија ЃП во 79. минута дојде до конечни 4-1 со погодокот на Мена кој убаво шутираше од 18 метри.
ПРВА ЛИГА – 3. КОЛО
Скопје: МАКЕДОНИЈА ЃП – ПОБЕДА 4-1
УТРЕ (17 ч.)
Кавадарци: ТИКВЕШ – БРЕГАЛНИЦА
Кратово: СИЛЕКС – СКОПЈЕ
Струмица: АК. ПАНДЕВ – ШКЕНДИЈА
Струга: СТРУГА ТЛ – РАБОТНИЧКИ
Слободен е ШКУПИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
