Актуелните шампиони во најсилната хокеарска лига во светот, Вашингтон Капиталс, го прифатија повикот на американскиот претседател Доналд Трамп и во понеделник ќе присуствуваат на пречекот во Белата куќа. За разлика од шампионите во НБА, Голден Стејт Вориорс, и НФЛ, Филаделфија Иглс, кои не сакаат да го посетат Трамп, „капиталс“ ќе ја продолжат традицијата на посета на Белата куќа по освојување на трофеј во една од четирите професионални американски лиги.
„Се радувам на тоа, одвај чекам да ја посетам Белата куќа. Никогаш не сум бил таму, сакам да ја фотографирам и сигурен сум дека ќе биде забавно“, изјави најдобриот хокеар на Вашингтон, Русинот Алекс Овечкин.
Вашингтон Капиталс се првите шампиони кои доаѓаат од главниот град на САД од четирите северноамерикански професионални лиги (НБА, НФЛ, НХЛ и МЛБ) по НФЛ тимот Вашингтон Редскинс во 1992 година.
The Washington Capitals will bring the #StanleyCup to the White House for a visit with President Donald Trump on Monday, according to multiple reports. https://t.co/p9sZrbQg19 #TSNHockey pic.twitter.com/jJmKL1dIrw
— SportsCentre (@SportsCentre) March 19, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
