По двегодишно отсуство, Ник Калатес се врати во грчката репрезентација. 37-годишниот плејмејкер на ПАОК ќе ги брани боите на Грција во претстојниот квалификациски прозорец за Светското првенство.
Селекторот Василис Спанулис смета дека доскорешниот играч на Партизан, со своето огромно искуство, може да му помогне на тимот кој се наоѓа во криза. По шокантните порази од Романија и Португалија, освојувачите на бронзениот медал од минатогодишното Европско првенство се претпоследни во групата И со учинок 3-3.
Покрај најдобриот асистент во историјата на Евролигата, на тимот ќе му се приклучи и Тајлер Дорси, по најдобрата сезона во неговата кариера. Наводно, Јанис Адетокумбо не добил дозвола од Мајами, па Грците ќе мора да играат без него.
Ветеранот од Флорида настапуваше за репрезентацијата на пет европски и три светски првенства, а учествуваше и на Олимписките игри во 2024 година. Токму тогаш го одигра и последниот натпревар за својата земја, во поразот во четвртфиналето против Германија, постигна пет поени и забележа пет скока. Својот единствен медал го освои во 2009 година, кога стигна до бронзата на своето прво големо натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
