Германскиот првак Баерн Минхен доживеа непријатна елиминација од Ливерпул во осминафиналето на Лигата на шампионите, откако загуби на „Алијанц арена“ со 1-3. Тренерот на баварскиот тим Нико Ковач призна дека англискиот претставник сосема заслужено оди во следната рунда.
„Ливерпул заслужи да не елиминира во двата меча. Беа навистина подобри и треба да им честитаме. Баерн Минхен за жал покажа дека е лимитиран тим во Лигата на шампионите. Не можам да им замерам на фудбалерите за желбата, но направивме многу грешки, а тоа одличен тим како Ливерпул знаеше да го казни“, изјави Нико Ковач.
По 13 години, Германија останува без претставник меѓу осумте најдобри тимови во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
