ЕКИПА во Тбилиси, Грузија
Владимир Булатовиќ
Бобан Николов игра во извонредна форма сезонава во дресот на унгарски Мол Фехервар, сето тоа изминативе три месеци трансформирајќи го и во беспрекорни изданија во дресот на македонската репрезентација.
Не е потребно да се нагласува мотивацијата која ја носи и за дуелот со Грузија кој за Македонија значи пласман на Европско првенство.
„Ова е момент за вистината за една генерација која треба да го докаже сиот свој квалитет и вредност. Ова е момент еден сон да стане реалност, а сите ние да запишеме историја за Македонија. Пресилно ја посакуваме победата која ќе донесе радост за секој поединец во Македонија и затоа сме подготвени да го дадеме максимумот“ – вели Николов.
Натпреварот меѓу Грузија и Македонија од финалето во Лигата на нации на „Динамо арена“ во Тбилиси се игра од 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА