Српскиот стратег Миодраг Гроф Божовиќ е нов шеф на стручниот штаб на азербејџанскиот Нефчи Баку.
Иако популарниот Гроф своевремено се поврзуваше и со селекторската функција во репрезентацијата на Македонија, но и на Црна Гора, сепак на крајот заврши во Азербејџан. Божовиќ на клупата на тимот од Баку го замени легендарниот Романец, Адријан Муту.
„Денеска спогодбено беше раскинат договорот помеѓу Нефчи и Адријан Муту. Клубот му се заблагодарува на Адријан Муту за неговата соработка и напор и му посакува успех во неговите идни активности. Воедно, клубот изразува најдлабоко сочувство до Адријан Муту за смртта на неговата мајка“, објави Нефчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
