Јасно е дека без Јокиќ Денвер не може многу да направи против екипите од врвот на табелата. Кошаркарите на Санс лесно ги добија Нагетс.
Феникс шутираше околу 54% од поле, а во отсуство на Јокиќ, успеајаа да наметнат апсолутна доминацијата во рекетот, па по првата четвртина направија разлика од +20 поени. Санс дадоа 48 поени во првиот период, втор најдобар резултат во клупската историја. На крајот од лесните +29, Итон постигна 21 поен, имаше 8 скока и неколку блокади, Крис Пол запиша 10 асистенции, Камерон Џонсон одигра меч во кариерата постигнувајќи 22 поени. Кај гостите од Колорадо Грин уфрли 19, Арон Гордон запиша дабл-дабл, но ниту тој не успеа да помогне на својот тим.
Лејкерси завршија без Леброн во Детроит, откако Џејмс доби исклучување на почетокот на второто полувреме, вторпат во кариерата. Тој го удри Ајсаја Стјуарт во лице, па на тој начин ги остави Дејвис и Вестбрук да направат пресврт. Дејвис даде 30 поени, имаше 10 скока и две блокади. Одличната вечер припадна на Канингем, кој стана првиот пик на драфтот, откако се запиша како најмлад играч во историјата на Детроит кој остварил трипл-дабл, 13 поени, 12 скока и 10 асистенции.
The Lakers and Pistons had to be separated multiple times after this play between LeBron and Isaiah Stewart. pic.twitter.com/im0o7fXeoI
— SportsCenter (@SportsCenter) November 22, 2021
Резултати:
ЛА Клиперс – Далас 97:91
Детроит – ЛА Лејкерс 116:121
Чикаго – Њујорк 109:103
Феникс – Денвер 126:97
Голден Стејт – Торонто 119:104
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА