Фудбалерите на ПСЖ одново се шокирани во 2023 година. Откако пред неколку кола беа поразени од Ленс, вечерва „ѕвездите“ од Париз загубија од Рен на гости, и така сега битката за титулата во Франција станува доста интересна.
Иако вечерва настапија и Меси, и Нејмар, во вториот дел и Мбапе, сепак, ПСЖ не најде решение за голот на Манданда. Упатија само еден шут во текот на сите 90. минути. Херој на Рен беше Траоре кој во 65. минута го совлада Донарума, и донесе три бода за својот тим.
За ПСЖ ова беше вториот пораз во вториот меч во Лига 1 во 2023 година, и сега има само три бода предност пред Ленс, односно пет пред Олимпик Марсеј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
